شاندێکی باڵای ئۆکراینی سەردانی ئەمریکا دەکەن

ئاڤا نیوز

لە چوارچێوەی هەوڵە دیپلۆماسییەکانی ئەمریکا بۆ ڕاگرتنی شەڕی نێوان ڕووسیا و ئۆکراینا کە ماوەی زیاتر لەسێ ساڵە بەردەوامە شاندێکی باڵای ئۆکراینی سەردانی واشنتن دەکەن و تاتوێی پلانی ترەمپ بۆ ئاشتی دەکەن.

زانیاریی بەدەستهاتوو: لەبارەی ئەم سەردانە بەرپرسێکی ئەمریکی ئاشكرای دەکات، بۆ گفتوگۆکردن لەسەر پلانی ترەمپ ئەمڕۆ یەکشەممە مارکۆ ڕوبیو، وەزیری دەرەوەی ئەمریکا و ستیڤ ویتکۆف، نێردەی تایبەتی  ترەمپ لەگەڵ دانوستانکارانی ئۆکراینا لە فلۆریدا کۆدەبنەوە. 

زانیاریی زیاتر: ڤۆلۆدیمیر زێلێنسکی، سەرۆکی ئۆکراینا پێشتر ڕایگەیاندبوو کە شاندێک بۆ ئەم مەبەستە بەرەو ئەمریکا دەڕۆن ڕوستێم ئومێرۆڤ، وەزیری پێشووی بەرگریی وڵاتەکە سەرۆکایەتیی شاندەکە دەکات، دەشڵێت کیێڤ بەشێوەیەکی بوونیادنەر لەگەڵ واشنتن گفتوگۆ دەکات و کار بۆ ئاشتییەک دەکات کە کەرامەت بپارێزێت.

لەلایەکی دیکەوە: هەفتەی ڕابردوو هەردوو شاندی ئەمریکا و ئۆکراینا لە جنێڤ لە بارەی پلانەکەی ئاشتی کۆبوونەوە و هەردوو وڵات کۆبوونەوەکەیان بە ئەرێنی و بەرهەمدار وەسف کرد.