سەرۆكوەزیران بارزانی: سوپاسی خۆڕاگری خەڵکی نیشتمانپەروەری هەرێمی کوردستان دەکەم

ئاڤا نیوز

 

بە بۆنەی هاتنی جەژنی پیرۆزی ڕەمەزانەوە، سەرۆکوەزیران بارزانی پیرۆزبایی لە گشت موسوڵمانانی كوردستان و عێراق و جیهان دەکات.

وێنە گەورەکە: سەرۆکوەزیران بارزانی، جەژنی ڕەمەزان لە هەموو  موسوڵمانانی كوردستان و عێراق و جیهان و پێشمەرگە قارەمانەکان و هێزەکانی ئاسایشی ناوخۆ و کەسوکار و بنەماڵەی سەربەرزی شەهیدان و ئەنفالکراوان پیرۆزدەکات.

لێدوانی فەرمی: سەرۆکوەزیران بارزانی ڕایگەیاند: هیوادارم جەژن ببێتە مایەی خۆشی و  شادی و خۆشگوزەرانی بۆ خەڵکی کوردستان و کۆتاییهاتنی هەموو شەڕ و ناخۆشی و  نەهامەتییەک لە جیهان، سوپاسی خۆڕاگری و پشوودرێژی خەڵکی نیشتمانپەروەری هەرێمی کوردستان دەکەم کە هاوکار و یارمەتیدەرمان بوون لە تێپەڕاندنی ئەم دۆخە سەختە ئابوورییەی ڕووبەڕوومان بووەوە. 

زانیاریی زیاتر: هیوادارم ئەو ڕێککەوتن و لەیەکتێگەیشتنەی لەگەڵ لایەنە پەیوەندیدارەکانی حکومەتی فیدراڵ دروست بووە، بەردەوام بێت و لەمەودوا، بابەتی مووچە کە مافێکی ڕەوا و دەستووری خەڵکە، تێکەڵی هیچ کێشە و ناکۆکی و ململانێیەکی سیاسی نەکرێت و فەرمانبەر و مووچەخۆرانی هەرێمیش، مانگانە بە شێوەیەکی ئاسایی، لە ڕێگەی لایەنە پەیوەندیدارەکانی حکومەتی هەرێمی کوردستانەوە مووچەکانیان وەربگرن، ئومێد دەکەین ئەم پێشکەوتن و هەنگاوانە، ببنە دەستپێکێک بۆ چارەسەرکردنی کێشە هەڵواسراوەکانی دیکەش و هەموو ئەو گرفتانەی ماون بە لەیەکتێگەیشتن و پابەندبوون بە دەستوورەوە، چارەسەر ببن. سەرۆكوەزیران بارزانی وادەڵێت.