خورشید هەرکی: کێشەی گوندی لاجان چارەسەر دەکرێت و گیراوان ئازاد دەکرێن

ئاڤا نیوز

دوای گرژییەکانی گوندی لاجان خورشید هەرکی، دڵنیایی دەدات بە هاووڵاتییان و دەڵێت: سەرۆکوەزیران مەسرور بارزانی بۆ چارسەرکردنی سەرجەم کێشەکان لەسەر هێڵە و داوا دەکەم هەمووان بگەڕێنەوە ماڵی خۆیان. 

چیرۆکی سەرەکی: ماوەی چەند ڕۆژێکە دانیشتووانی گوندی لاجان لە بەرامبەر پاڵاوگەیەکی نەوتی گردبوونەوە و خۆپیشاندان ئەنجام دەدەن، داواکاری ئەو کەسانە ڕەخساندنی هەلی کارە، ئێستا بەرە بەرە کێشەکەیان بۆ چارەسەر دەکرێت. 

لێدوانی فەرمی: خوڕشید هەركی، كەسایەتیی دیاری عەشیرەتی هەركی بە ئاڤای ڕاگەیاند: سەرۆكوەزیران مەسرور بارزانی لەسەر هێڵە بۆ چارەسەركردنی دۆخەكە و ئێستا دۆخەكە هێور بووەتەوە، چەند كەسێك دەستگیر كرابوون بە زووترین كات ئازاد دەكرێن.

- بڕیارە ئەو هێزە ئەمنییەی كە چوونەتە شوێنەكە بكشێنەوە و خەڵكی گوندەكەش بگەڕێنەوە ماڵەكانیان، ئێستا خێزانەكان وردە وردە دەگەڕێنەوە ماڵەكانیان.

- ئێمە ڕۆڵەی سەرۆك بارزانین و پارتین، هەر كەسێك لە ئێمە لەگەڵ دەستی شێواندنی وڵات و تێكدانی ئابووریی هەرێمی كوردستان بێت ئەوا لە دژی خوێنی شەهیدەكانی وەستاوەتەوە، هیوادارم عەشیرەتی هەركی لەوە هۆشیارتربن كە كاری تێكدەرانە بكەن.

- دامودەزگاكانی حكومەت بە خوێنی شەهیدەكانمان بەرهەم هاتووە نامانەوێت زیانیان پێبگات.

- قسەم لەگەڵ حەیدەر هەركی برام كردووە و پێم گوتووە كە ئێمە دەبێت بەشێك بین لە چارەسەر نەك تێكدان، خۆشم لە سەرەتای دۆخەكەوە لەگەڵ هێزە ئەمنییەكان و بەرپرسانی وەزارەتی ناوخۆ لەسەر هێڵم، هەموو هەوڵمان بۆ ئەوەیە دۆخەكە چارەسەر بێت.

- بە هەموومان دەبێت پڕۆژەی لاناز بپارێزین و نەهێڵین زیانی پێ بگات.

- چەند كەسێك لە پشت ئەو گرژی و ئاڵۆزییەن مەبەستیانە خوێنی گەنجەكان بڕژێ و خۆیشیان لە دوورەوە سەیر دەكەن و مەبەستەكەش بەرژەوەندیی خۆیانە. 



نوێ دەکرێتەوە...