جارێکی دیکە ئۆتۆمبێل بە قیست دەدرێت بە مامۆستایان

ئاڤا نیوز

سەرۆكی لقی هەولێری یەكێتیی مامۆستایانی كوردستان ڕایدەگەیێنێت، پێدانی ئۆتۆمبێل بە قیست بە مامۆستایان دەستپێدەكاتەوە، مامۆستایان لەئەمڕۆوە دەتوانن دەست بە مامەڵە بكەن.

لێدوانی فەرمی: عیسا حوسێن، سەرۆكی لقی هەولێری یەكێتی مامۆستایانی كوردستان بە ئاڤای ڕاگەیاند: لەگەڵ نوێنەرانی كۆمپانیای جیلی دانیشتین، گەیشتینە لێكتێگەیشتن بە پێدانی ئۆتۆمبێل بە مامۆستایان بە قیستی 60 مانگ  یەعنی پێنج ساڵ، و بە داشكاندنی لەسەدا هەشت لە  نرخەكەی، جگەلەوەش كەمكردنەوەی 400 هەزار دینار لە نرخی گشتیی ئۆتۆمبێلەكە, وە ژمارەی ئۆتۆمبێلەکەش هەر بەخۆڕاییە. 

زانیاریی زیاتر: مەرجەکانی ڕاکێشانی ئۆتۆمبێل بە قیست ئەمانەیە: مەرجە نووسراوی پشتگیریی یەكێتی مامۆستایان ببەن، لەگەڵ ئامادەكردنی دوو كەفیل كە یەكێكیان فەرمانبەری حكومی بێت.

- پێشەکی ئۆتۆمبێلەکە پێنج ملیۆن دینارە، قیستەکانیش بە ماوەی بە ماوەی پێنج ساڵ دەدرێت  بەپێی نرخی ئۆتۆمبێلەكە کە لە نێوان  300 هەزار دینار بۆ 400 هەزار دینار دەبێت.