گەشتوگوزاری دووکان: نرخی شوێنە گەشتیارییەکانمان بەرز نەبووەتەوە

ئاڤا نیوز

گەشتوگوزاری دووکان، ئەو دەنگۆ و هەواڵانە ڕەتدەكاتەوە كە باس لە گرانبوونی نرخی كەپرە گەشتیارییەكانی ناوچەكە  دەكەن.

چیرۆکە سەرەکییەکە: ڕۆژی سێشەممە دەنگۆی گرانبوونی نرخی كەپرە گەشتیارییەكانی دووكان بە بۆنەی جەژنی ڕەمەزانەوە بڵاوبووەوە، ئاڤا نیوز بەدواداچونی بۆكرد.

لێدوانی فەرمی: ڕێژین رەئوف، بەڕێوبەری گەشتوگوزاری دووکان بە ئاڤا نیوزی گوت:هەموو ئەو دەنگۆیانە دوورن لە ڕاستییەوە کە گوایە نرخی شوێنە گەشتیارییەکانی دوکان بەرزبووەتەوە.

ئەوەی پێویستە بیزانیت: نرخی كەپرە گەشتیارییەكانی دووکان لە 25 هەزارەوە دەستپێدەکات تا 60 هەزار، نرخی کابینەكانیش لە 100 هەزارە دەستپێدەکات تا 400 هەزار بۆ ماوەی 24 کاتژمێر.

زانیاریی زیاتر: لە ڕۆژانی جەژندا لیژنەکانیان چاودێری نرخ و خزمەتگوزارییەکانیش دەکەن، هەموو ساڵێک پێش هاتنی جەژنەکان ئامادەکاری تەواو دەکرێت و شوێنە گەشتیارییەکان نۆژەن دەکرێنەوە، ئامادە دەکرێن بۆ پێشوازیکردن لە گەشتیاران.