جێگری سەرۆککۆماری ئێران ئەندامانی جەستەی کچەکەی دەبەخشێت

ئاڤا نیوز

ئیسماعیل سەقاب ئەسفەهانی، جێگری سەرۆککۆمار و سەرۆکی ڕێکخراوی باشکردنی وزە و بەڕێوەبردنی ستراتیژی ئێران، بڕیاریدا  ئەندامانی جەستەی کچە 12 ساڵانەکەی ببەخشێت.

چیرۆکی سەرەکی: دوای ئەوەی یەکشەممە هاوسەر و منداڵەکانی جێگری سەرۆککۆماری ئێران تووشی ڕوودای هاتووچۆبوون، بە هۆی سەختی برینەکەیەوە هاوسەرەکەی گیانی لەدەستدا و سێ منداڵەکەی ڕەوانەی نەخۆشخانە کران و تەندروستی کچێکی ناجێگیر بوو و چووەتە حاڵەتی "کۆما"ـوە.

بڵاوکراوەی فەرمی: میدیاکانی ئێران ئەمڕۆ سێشەممە بڵاویان کردەوە کە ئیسماعیل سەقاب، دوای ڕووداوە هاتووچۆکەی خانەوادەکەی و خراپی تەندروستی یەکێک لە کچەکانی و بێهیوابوون لە بەهۆش هاتنەوەی و گەڕانەوەی ژیان بۆی، بڕیاریدا ئەندامانی جەستەی کچە تەمەن 12 ساڵانەکەی ببەخشێت.

باکگراوند: ڕۆژی یەکشەممە 30-11-2025 هاوسەری ئیسماعیل سەقاب و هەرسێ منداڵەکەی و باوکی هاوسەرەکەی لە ڕێگەی تاران - سمنان تووشی ڕووداوی هاتوچۆ بوون، هاوسەرەکەی دەستبەجێ گیانی لەدەستدا و سێ منداڵەکەی و باوکی هاوسەرەکەی بەسەختی بریندار بوون و گەیێنرانە نەخۆشخانە.