ئەمریکا: پشتیوانیی هەوڵەکانی عێراق بۆ ڕووبەڕووبوونەوەی میلیشیا چەکدارەکان دەکەین

ئاڤا نیوز

 

باڵیۆزی ئەمریکا لە ئەنجوومەنی ئاسایشی نێودەوڵەتی ڕایگەیاند، ئیدارەی ترەمپ پشتیوانیی بەهێزکردنی پەیوەندییەکانی واشنتن و بەغدا لەسەر بنەمای بەرژەوەندیی هاوبەش دەکات، هاوکات پشتیوانیی هەوڵەکانی عێراقیش دەکەن بۆ ڕووبەڕووبوونەوەی "میلیشیا چەکدارەکان".

 

وێنە گەورەکە: نێردەی نەتەوەیەکگرتووەکان بۆ عێراق ساڵی 2003 دامەزراوە و ساڵی 2007 کارەکانی فراوان کردووە، لەسەر داوای حکومەتی عێراقیش کۆتایی ئەمساڵ کۆتایی بە کارەکانی دەهێنێت، ئێوارەی ئەمڕۆش ئەنجوومەنی ئاسایشی سەر بە نەتەوەیەکگرتووەکان تایبەت بە کارەکانی نێردەی نەتەوەیەکگرتووەکان لە بەغدا و بە دۆخی عێراق بەگشتی کۆبووەوە.

 

لێدوانی فەرمی: جێف بارتۆس، باڵیۆزی ئەمریکا لە ئەنجوومەنی ئاسایشی نێودەوڵەتی لە کۆبوونەوەی ئەمشەوی ئەنجوومەنەکەدا وتارێکی پێشکەش کرد و ئەوەشی خستەڕوو، " سیاسەتی سەرۆک ترەمپ پشتیوانیی بەهێزکردنی پەیوەندییەکانە لەگەڵ عێراق لەسەر بنەمای بەرژەوەندیی هاوبەش".

 

وتیشی، ئەمریکا پشتیوانی سەروەریی، سەربەخۆی ئابووری و هەوڵەکانی عێراق بۆ ڕووبەڕووبوونەوەی "میلیشیا چەکدارەکان" دەکات.