ترەمپ: بیر لە پێدانی سیستمی بەرگری بە هەرێمی کوردستان دەکەینەوە

ئاڤا نیوز

دۆناڵد ترەمپ، سەرۆکی ئەمریکا لە بارەی پێدانی سیستمی بەرگری بە هەرێمی کوردستان دەڵێت، "بیری لێدەکەینەوە".

 

وێنە گەورەکە: هەفتەی ڕابردوو، سەرۆکوەزیران مەسرور بارزانی داوای لە ئەمریکا و هاوبەشە نێودەوڵەتییەکانی کوردستان کرد "سیستمی بەرگری بۆ پاراستنی ژێرخانی وزەمان بۆ دابین بکات".

 

لێدوانی فەرمی: لە کۆبوونەوەی ئیدارەی ئەمریکا، دۆناڵد ترەمپ، سەرۆکی ئەمریکا بە ڕۆژنامەنووسانی ڕاگەیاند، "ئاگاداری هێرشەکەی سەر کێڵگەی غازی کۆرمۆرم". لە بەشێکی قسەکانیشیدا وتی، "بیر لە پێدانی سیستمی دژە مووشەکی بە هەرێمی کوردستان بۆ پاراستنی کێڵگە نەوتی و گازییەکان دەکەینەوە.

 

لەلایەکی دیکە: لە بارەی پەیوەندییەکانی ئێران و عێراقیش وتی، دوای ئەوەی ژێرخانی ئەتۆمیی ئێرانمان کردە ئامانج، هەڵوێستی عێراق بەرامبەر واشنتن بە تەواوی گۆڕاوە و زۆر دۆستانەتر بووە و ئێستا باشتر لێمان تێدەگەن.

 

بە تەنیشت ئەم بابەتەوە: پێشتر، مارک ساڤایا، نێردەی نوێی ئەمریکا بۆ عێراق هۆشداری تووندی داوەتە گرووپە چەکدارەکان و لە تۆڕی کۆمەڵایەتیی ئێکس ڕایگەیاندبوو، دەبێت حکومەتی عێراق ئەنجامدەرانی هێرشەکەی سەر کۆرمۆر ئاشکرا بکات. ئەمریکا بە تەواوی پشتیووانی ئەم هەوڵانە دەکات و هیچ شوێنێک بۆ گرووپە چەکدارەکان لە عێراقێکی خاوەن سەروەریدا نییە.