ڕەنگی سپی هەوری بە ڕەنگی ساڵ دیاری دەکرێت

ئاڤا نیوز

کۆمپانیای "پێنتۆن" ساڵانە ڕەنگێک وەک ڕەنگی ساڵ دەستنیشان دەکات کە بتوانێت پەیام و مەزاجی ئەو ساڵە بە باشی بگەیەنێت، بۆ ئەمساڵیش ڕەنگی Cloud Dancer کە خۆمان دەتوانین بە سپی هەوری ناوی ببەین.

چیرۆکی سەرەکی: ساڵانە لەگەڵ هاتنی کریسمس و ساڵی نوێ کۆمپانیا جیاوازەکان ڕەنگی ساڵ دەناسێنن بەڵام لە نێوان هەموو کۆمپانیاکان "پێنتۆن" باوەڕپێکراوترین کۆمپانیایە بۆ هەڵبژاردنی ڕەنگی ساڵ، ئەم کۆمپانیایە ڕەنگی ئەمساڵی 2026ـی دەستنیشانکرد.

ڕاگەیێنراوی فەرمی: ئەمساڵ کۆمپانیای پانتۆن ڕەنگێکی هەڵبژارد کە بڕیارە هێمای ئارامی بێت لە دیزاین و مۆدە و شێوازی ژیاندا، سپی هەوری.ئەم ڕەنگە هەستی پاکی و نوێبوونەوە و گەڕانەوەیە بۆ بێدەنگی. 

ئەوەی پێویستە بیزانیت: لە جیهانێکی پڕ لە ژاوەژاو و خێرادا، "سپی هەوری یان سەمای هەور" بانگهێشتێکە بۆ هێوربوونەوە و دووبارە دروستکردنەوەی هێمنی لە فەزای دەروونیدا.

کاریگەریی و لێکەوتەکان: هەستی ڕوونی و ڕێکوپێکی لە فەزای ناوەوەدا زیاد دەکات.

- هاوئاهەنگییەکی دڵخۆشکەری لەگەڵ ڕەنگە سرووشتی و خاکی و پاستێل و کانزاییەکاندا هەیە.

-لە شێوازی کەسیدا، هێمای سادەیی شیک و ئارامیی ڕەسەنە.

-لە دەروونی مرۆڤدا بێدەنگی و پاکی و سەرەتایەکی نوێ وەبیر دەهێنێتەوە.