بەدالە؛ چیرۆکی پەیوەندیکردن پێش سەردەمی مۆبایل

ئاڤا نیوز

 

لە یادەوەریی ساڵانی هەشتاکاندا، ناوەندێک هەبوو کە پردی پەیوەندیی نێوان خەڵک بوو؛ بە فەرمی پێیان دەوت «ناوەندی گرێدانی پەیوەندییەکان»، بەڵام لەسەر زاری خەڵک بە «بەدالە» ناسرابوو. 

 

ئەوەی پێویستە بیزانیت: ئەودەم بۆ ئەنجامدانی هەر پەیوەندییەک لە ڕێگەی تەلەفۆنی ماڵانەوە، دەبوایە سەرەتا پەیوەندیت بە بەدالەوە بکردایە و ژمارەی ئەو شوێنەی مەبەستت بوو پێتبوتنایە، ئەوانیش پەیوەندییەکەیان بۆ دەگواستیتەوە. لە شاری سلێمانیش، ژمارە (102) کۆدی ناسراوی بەدالە بوو کە هەمووان بەو ژمارەیە داوای پەیوەندییەکانیان دەکرد.