کۆمپانیایەکی تورکی 25 مێگاوات کارەبا بە وزەی خۆر بۆ هەرێمی کوردستان دابین دەکات

ئاڤا نیوز

کۆمپانیای هاسیلیی تورکی داوای جێبەجێکردنی پرۆژەیەکی 25 مێگاواتی بە وزەی خۆر بۆ هەرێمی کوردستان دەکات، وەزیری کارەبای هەرێمی کوردستانیش ئامادەیی نیشاندا بۆ پێشکەشکردنی هەموو کارئاسانییەک بۆ ئەو پرۆژەیە.

چیرۆکی سەرەکی: ئەمڕۆ دووشەممە 8-12-2025، کەمال محەممەد ساڵح، وەزیری کارەبا پێشوازیی لە سەڵاحەدین یڵدز، سەرۆکی کۆمپانیای هاسیلیی تورکی کرد. هەردوولا باسیان لە دانانی پڕۆژەیەکی 25 مێگاواتی کارەبا بە وزەی خۆر کرد.

ڕاگەیێنراوی فەرمی: بەپێی ڕاگەیێنراوی وەزارەتی کارەبا، وەزیری کارەبا ئامادەیی وەزارەتەکەی نیشاندا بۆ پێشکەشکردنی هەموو کارئاسانییەک بۆ هاندانی وەبەرهێنانی بیانی، بەتایبەتی لە بواری وزەی پاک. داتاو زانیاریی پێویست و ڕێنماییەکانی وەزارەت لەم بوارەدا پێشکەش بە کۆمپانیاکە کرا.

ئەوەی پێویستە بیزانیت: کۆمپانیای ناوبراو لە وڵاتی تورکیا بڕی هەزار مێگاوات کارەبا بە وزەی خۆر بەرهەم دەهێنێت و گرێبەستی بۆ 500 مێگاواتی دیکە کردووە و لە ڕێگەی وەبەرهێنانەوە پڕۆژەکانی خۆیان لە هەرێمی کوردستان پەرە پێ دەدەن.