سەرتاشێک: جەژنی ئێمە لە دووەم ڕۆژەوە دەست پێدەکات

ئاڤا نیوز

سەرتاشخانەکان چەند ڕۆژێک پێش جەژن و ڕۆژی یەکەمی جەژنیش قەرەباڵغن، سەرتاشێک دەڵێت " جەژنی ئێمە لە دووەم ڕۆژەوە دەستپێدەکات".

وێنە گەورەکە: بەبۆنەی هاتنی جەژنی ڕەمەزان سەرتاشخانەکان زۆر قەرەباڵغن و سەرتاشەکان سەرقاڵن، یەکەم ڕۆژی جەژنیش هەر خەریکی کار دەبن، ئەم حاڵەتە لە هەموو شارەکانی کوردستان هەیە، بوژانەوەی بازارەکانیش کارگەریەکی زۆری لەسەر هەبووە.

لێدوانی هاونیشتیمانی: سەرتاشێک لە سلێمانی بە دونیا سەباح پەیامنێری ئاڤا نیوزی گوت: لە ماوەی چوار ڕۆژدا هەشت کاتژمێر خەوتووم، یەکەم ڕۆژی جەژن دوای تەواو بوونی کارەکانمان دەبێت بخەوین جەژن لای ئێمە لە دووەم ڕۆژەوە دەستپێدەکات.