لەماوەی 24 کاتژمێری ڕابردوودا زۆرترین ڕێژەی بارانبارین تۆمار کراوە

ئاڤا نیوز 

لەماوەی 24 کاتژمێری ڕابردوودا لە بەشێك لە ناوچەکانی هەرێمی کوردستان، ڕێژەیەکی بەرچاو بارانباریەوە و لە هەندێک ناوچەش دوو هێندەی ساڵی ڕابردوویە.

وێنە گەورەکە: لەماوەی ئەم هەفتەیە دوو شەپۆلی بارانبارین ڕوویان لە هەرێمی کوردستان کردووە، بە هۆیەوە بەشێک لە ناوچەکان ئاستی ئاو بەرزبووەتەوە و لە گەرمیانیش بە هۆیەوە پشوو ڕاگەیێنرا. 

لێدوانی فەرمی: شێخ دارا، پێشکەشکاری کەشوهەوای ئاڤا و شارەزای کەشناسی بە ئاڤا ڕاگەیاند: کاریگەری شەپۆلەکە تا سەرەتای هەفتەی داهاتوو دەبێت، لەناوچە شاخاوییەکانیش بەفر دەبارێت و ئەگەری دروستبوونی لافاویش هەیە. 

- لە ناوەڕاستی ئەم مانگەش جارێکی دیکە شەپۆلێکی بارانبارین ڕوو لە ناوچە جیاوازەکان دەکاتەوە، ئەگەری بارانبارین لە ناوشارەکانیش زیاد دەکات.

زانیاریی زیاتر: بەگوێرەی ئاماری دابارین و ئەو داتای ساڵی ڕابردوو لە هەندێک ناوچە وەرگیراوە، ڕێژەی بارانبارین ئەم 24 کاتژمێرە زۆر زیاترە. 

لەلایەکی دیکەوە: بەڕێوەبەرایەتیی گشتیی کەشناسی و بومەلەرزەزانی بڵاویکردووەتەوە، سبەی چوارشەممە لە ئەنجامی بەردەوامی کاریگەری شەپۆلی بارانبارین ئاسمان هەوری تەواو دەبێت و هەندێ کات نیمچە هەور دەبێت، لە سنووری پارێزگای هەولێر و دهۆک هەندێ کات نمە بارانی پچڕ پچڕ دەبارێت و لە ناوچە شاخاوییەکان بارانی مامناوەند دەبارێت, هەروەها لە سەر ناوچە شاخاوییە سنوورییەکان ئەگەری بەفر بارین هەیە


ژمارەکان وادەڵێن: ئاماری بارانبارینی 24 کاتژمێری ڕابردوو:-

شارەکان          ڕێژەی بارانبارینی 24 کاتژمێری ڕابردوو       بارانبارینی ساڵی ڕابردوو

هەولێر:            25.6 ملیم                                                33.1ملیم

دهۆک:            23.6 ملیم                                                 23.6 ملیم

زاخۆ:              17.5 ملیم                                                  45.4 ملیم  

چەمچەماڵ:     81.2 ملیم                                                 87.6 ملیم

ئیدارەی ڕاپەڕین: 99.3 ملیم                                             196.3 ملیم

هەڵەبجە:          54 ملیم                                               204.8 ملیم  

کەرکووک:         41 ملیم                                               80 ملیم

سلێمانی:           61.3 ملیم

دەربەندیخان:     83.6 ملیم

زانیاریی زیاتر: زۆرترین ڕێژەی بارانبارین لە بازیان بووە 121.5 ملیم باران باریوە، کەمترین ڕێژەی باران بارینیش لە شێخان بووە 9 ملیم باران باریوە.