لە چەمچەماڵ لافاوە و داوای بەهاناوەچوونی خێرا دەکەن

ئاڤا نیوز

بە هۆی بەردەوامی بارانبارینەوە لافاو لە قەزای چەمچەماڵ دروستبووە و دانیشتووانی ئەو ناوچەیە لە ڕێگەی ئاڤاوە داوای بەهاناوە چوون دەکەن. 


بەدواداچوونی ئاڤا: بەشێک لە دانیشتووانی چەمچەماڵ پەیوەندییان بە ئاڤاوە کردووە و دیمەنی کۆبوونەوەی ئاویان لە گەڕەکەکانیان بۆ ئاڤا ناردووە، بەشێک لە هاووڵاتییانیش داوای بەهاناوەچوونی خێرا لەلایەنە پەیوەندیدارەکان دەکەن. 

زانیاریی زیاتر: بە هۆی بەردەوامی بارانبارینەوە ئاوچووەتە بەشێک لەماڵ و فەرمانگە حکومییەکان و زیانێکی زۆری لێکەوتووەتەوە. 

لێدوانی فەرمی: سەرچاوەیەک لە بەڕێوەبەرایەتیی پۆلیسی چەمچەماڵ بۆ ئاڤا: بەشێکی زۆری ئۆتۆمبێلی فەرمانگە حکومییەکان ئاو بردوویەتی و ئێستا هەموو تیمەکانمان خراونەتە حاڵەتی ئامادە باشییەوە. 

- ئەو سەرچاوەیە باسی لەوەشكرد، ئاستی ئاوەکە بەشێوەیەک بەرزبووەتەوە، هاتووچۆ پەکی کەوتووە.