سێ پارت ڕاپۆرتێک پەیوەست بە پرۆسەی ئاشتی پێشکەشی پەرلەمانی تورکیا دەکرێت

ئاڤا نیوز

دەم پارتی، جەهەپە و پارتی ڕەنج ڕاپۆرتی پەیوەندیداریان بە پرۆسەی ئاشتی، پێشکەشی سکرتاریەتی گشتیی پەرلەمانی تورکیا کرد بۆ ئەوەی بخرێتە بەردەم ئەندامانی کۆمیسیۆنە پەرلەمانییەکەی تورکیا.

 

بڵاوکراوەی فەرمی: ئاژانسی هەواڵی میزۆپۆتامیا بڵاوی کردووەتەوە گوڵستان کڵچ کۆچیغیت، جێگری سەرۆکی فراکسیۆنی دەم پارتی و مەراڵ دانش بێشتاش، جەنگیز چیچەک، جەلال فرات و ساروهان ئۆڵچ کە ئەندامانی دیکەی دەم پارتین لە کۆمیسیۆنەکە ڕاپۆرتەکەیان پێشکەش کردووە.

 

زانیاریی زیاتر: لە ڕاپۆرتەکەدا دەم پارتی چەندین پێشنیازی خستووەتەڕوو بۆ چارەسەرکردنی پرسی کورد بە ڕێگاچارەی ئاشتییانە. هەریەک لە جەهەپە کە گەورەترین پارتی ئۆپۆزسیۆنە لە تورکیا و پارتی ڕەنج ڕاپۆرتی خۆیان بۆ هەمان مەبەست پێشکەشی پەرلەمانی تورکیا کردووە.

 

لە لایەکی دیکەوە: دوای ئەوەی سەرجەم پارتەکانی تورکیا ڕاپۆرتەکانیان پێشکەش دەکەن، جارێکی دیکە کۆمیسیۆنەکە کۆ دەبێتەوە و بڕیاری پێکهێنانی لیژنەیەک بۆ نووسینەوەی ڕاپۆرتی کۆتایی دەدات و ئەو خاڵانە لە ڕاپۆرتەکەدا جێگیر دەکرێن کە کۆدەنگی پارتەکانیان لەسەرە.