کۆنگرێسمانێکی ئەمریکی بۆ  فایەق زێدان: فەرمانی دەستگیرکردنی ترەمپمان لەبیر نەکردووە

ئاڤا نیوز 

 

کۆنگرێسمانێکی ئەمریکی ڕەخنەی توند لە فایەق زێدان، سەرۆکی ئەنجوومەنی باڵای دادوەریی عێراق دەگرێت و بەوە تۆمەتباری دەکات کە سیستمی دادوەری بۆ پاراستنی "بووکەڵەکانی ئێران" بەکاردەهێنێت.

 

لێدوانی فەرمی: جۆو وێڵسن، ئەندامی کۆنگرێسی ئەمریکا، لە پۆستێکی لە تۆڕی کۆمەڵایەتیی ئێکس دەڵێت، "فایەق زێدان فەرمانی دەرکردووە بۆ دادگاییکردنی هەر کەسێک سیستمی عێراق لاواز بکات، ئەمەش بەو واتایە دێت هەر کەسێک ڕەخنە لە بووکەڵەکانی ئێران بگرێت، دەکرێتە ئامانج".

 

 -جێگەی داخە دەبینین عێراق دەگەڕێتەوە بۆ عەقڵیەتی دەوڵەتی پۆلیسیی سەردەمی بەعس و زۆرینەی هاووڵاتیان دەکرێنە ئامانج، تەنیا لەبەر ئەوەی دژی هەژموونی ئێران و شوێنکەوتووانی دەوەستنەوە."

 

-ئێمە فەرمانی دەستگیرکردنی سەرۆک ترەمپمان لەبیر نەکردووە کە بەهۆی کوشتنی قاسم سولەیمانیی تیرۆریستەوە دەرکرابوو.