وەزیری تەندروستی: دوو کەس لە لافاوەکەی چەمچەماڵ گیانیان لەدەستداوە

ئاڤا نیوز

وەزیری تەندروستی هەرێمی کوردستان ئاماری گیان لەدەستدانی بەهۆی لافاوەکەی چەمچەماڵ ڕاگەیاند و گوتی: تاوەکو ئێستا دوو کەس گیانیان لەدەستداوە.

وێنە گەورەکە: شەپۆلێکی چڕی بارانبارین ڕوو لە شارەکانی هەرێمی کوردستان کردووە، بەهۆیەوە لافاو لە قەزای چەمچەماڵ دروستبووە و زیانی گیانی و ماددی لێکەوتووەتەوە. 

لێدوانی فەرمی: د. سامان بەرزنجی، وەزیری تەندروستی هەرێمی کوردستان بە ئاڤای ڕاگەیاند: دوو کەس لە سنووری چەمچەماڵ بەهۆی لافاوە گیانیان لەدەستداوە. 

- د. سامان بەرزنجی، باسی لەوەشكرد، ئەو دوو کەسەی گیانیان لەدەستداوە، یەکێکیان پیاوێکی تەمەن 53 ساڵان و یەکێکی دیکەشیان کچێکی گەنجی تەمەن 22 ساڵانە، هاوکات گەنجێکی 30 ساڵان ئێستا لەژێر چاودێڕی چڕی پزیشکیدایە. 

- حاڵەتی دیکەی جیاوازیش هەیە بەڵام بە هۆی نەگەیشتنیان بە نەخۆشخانە و داخرانی ڕێگاکانەوە تاوەکو ئێستا زانیارمان لەسەری نییە. 

لەلایەکی دیکەوە: وەزیری تەندروستی هەرێمی کوردستان باسی لەوەشكرد، پەیوەندیمان لەگەڵ بەرپرسانی ئیدارەی گەرمیان هەیە و ئامادەی هەموو هاوکارییەکمان نیشانداوە. 

نوێ دەکرێتەوە...