ئەردۆغان: تورک، عەرەب و کورد پێکەوە سووریا بونیاد دەنێنەوە

ئاڤا نیوز

 

سەرۆککۆماری تورکیا ڕایدەگەیەنێت وەک تورک، عەرەب، کورد، تورکمان، سوننە و عەلەوی دەست دەخەنە ناو دەستی یەک سووریا دەخەنەوە سەرپێی خۆی و سەرلەنوێ بونیادی دەنێنەوە و ئاوەدانی دەکەنەوە.

 

لێدوانی فەرمی: ڕەجەب تەیب ئەردۆغان، سەرۆککۆماری تورکیا لە کۆبوونەوەی دەستەی کارگێڕیی ناوەندیی ئاک پارتی، ئەمڕۆ 9-12-2025 بەبێ ناوهێنان داوای لە هەسەدە کرد پابەند بێت بە ڕێککەوتننامەی 10ی ئادار و تێکەڵکردنی هێزەکانی لەگەڵ ئیدارەی نوێی سووریا.

 

پێویستە ئەمەش بزانیت: ئەردۆغان سەرنجی خستە سەر ئەوەی کە پابەند بوون بە ڕێککەوتننامەکە خەونی ئەوانە دەباتە ژێر گڵ کە دەیانەوێت سووریا ناسەقامگیر، پارچە پارچە و بێهێز بێت.

 

لەلایەکی دیکەوە: ئەم لێدوانەی ئەردۆغان لە کاتێکدایە؛ هاکان فیدان، وەزیری دەرەوەی تورکیا بە ئاژانسی ڕۆیتەرزی ڕاگەیاندووە، ناکرێت لە سووریا دوو سوپا هەبێت و دەڵێت: دەکرێت بۆ ئیدارەدانی خۆجێی ئیدارەی سووریا و هەسەدە بگەنە ڕێککەوتنێکی دیکە.