هەسەدە هەوڵێکی هەڵاتن لە کەمپی هۆل پوچەڵدەکاتەوە

ئاڤا نیوز

18 ژن و منداڵ لە نەتەوە جیاوازەکان لە هەوڵێدان بۆ هەڵتان لە کەمپی هۆل لە باکووری خۆرهەڵاتی سووریا دەستگیر دەکرێنەوە.

وێنە گەورەکە: کەمپەکە شوێنی دەستبەسەرکردنی ئەو کەسانەیە کە گومان دەکرێت کەسوکاری چەکدارانی داعش بن. لەلایەن هێزەکانی سووریا  دیموکرات، هەسەدە، بەڕێوە دەبرێن و دەیان هەزار کەسیان تێدایە.

لێدوانی فەرمی: جیهان حەنان، بەڕێوەبەری کەمپی هۆل ڕایگەیاند، هەوڵی هەڵاتنەکە درەنگانی ڕۆژی چوارشەممە، 10-12-2025، بووە. ناوچەکە چەند ڕۆژێکە تەمێکی زۆری هەیە و ژمارەی هەوڵەکانی هەڵهاتنیش بەزۆری لە کاتی کەشوهەوای خراپدا زیاد دەکات.

ئەمەش بزانە: کەمپەکە ئێستا زیاتر لە 24 هەزار کەسی تێدایە، نزیکەی 15 هەزار سووری، 3500 عێراقی و 6200 بیانیی دیکە.