شاندی ئیمرالی و دەوڵەت باخچەلی کۆدەبنەوە

ئاڤا نیوز

بڕیارەی شاندی ئیمرالیی دەم پارتی لەگەڵ دەوڵەت باخچەلی، سەرۆکی گشتیی مەهەپە کۆببێتەوە.

بڵاوکراوەی فەرمی: دەم پارتی لە ڕاگەیێنراوێکدا سەرنجی خستووەتە سەر ئەوەی ئەمڕۆ هەینی 12-12-2025 شاندی ئیمرالی بە جیا لەگەڵ هەریەک لە عەلی باباجان، سەرۆکی گشتیی پارتی دەڤا و دەوڵەت باخچەلی، سەرۆکی گشتیی مەهەپە کۆ ببنەوە.

بە تەنیشت ئەم بابەتەوە: لە ڕاگەیێنراوەکەدا سەرنج خراوەتە سەر ئەوەی هەریەک لە پەروین بوڵدان، میدحەت سانجار و فائیق ئۆزگور ئەرۆڵ، ئەندامانی شاندی ئیمرالی بەشداری لە کۆبوونەوەکاندا دەکەن.

ئەوەی پێویستە بیزانیت: دەم پارتی باسی لەوە کردووە کۆبوونەوەکە لەگەڵ عەلی باباجان کاتژمێر 11:00 لە بارەگای گشتیی پارتی دەڤا و کۆبوونەوە لەگەڵ باخچەلییش کاتژمێر 14:00 لە ژووری مەهەپە لە پەرلەمانی تورکیا ئەنجام دەدرێت. 

بۆچی گرنگە: دوایین جار ئەو سێ ئەندامەی شاندی ئیمرالی سەرەتای ئەم مانگە لەگەڵ ئۆجەلان کۆبوونەوە و ئەمەش دوای ئەوە بوو چەند ڕۆژێک پێشتر شاندێکی کۆمیسیۆنە پەرلەمانییەکەی تورکیا بۆ یەکەمجار لەگەڵ ئۆجەلان کۆبوونەوە.

لەلایەکی دیکەوە: کۆی ئەم پێشهاتانە لە کاتێکدان، ڕۆژی چوارشەممە دەم پارتی و جەهەپە و پێنجشەممەش مەهەپە ڕاپۆرتی پەیوەندیدار بە پرۆسەی ئاشتی پێشکەشی پەرلەمان کرد بە مەبەستی ئامادەکردنی ڕاپۆرتی کۆتایی کۆمیسیۆنەکە.