هاوکاری خەڵکی هەولێر گەیشتووەتە ئۆفیسی سەرەکی ئاڤا میدیا

ئاڤا نیوز

خەڵکی هەولێر لە شەوی ڕابردووەوە هاوکارییەکانیان گەیاندووەتەوە ئۆفیسی سەرەکی ئاڤا میدیا و ئەمڕۆش کەمپینێکی گەورەی کۆکردنەوەی هاوکاری بەڕێوە دەچێت. 

چیرۆکی سەرەکی: ڕۆژی 9-12-2025، شەپۆلێکی چڕی بارانبارین ڕووی لە ناوچە جیاوازەکانی هەرێمی کوردستان کرد، بەهۆیەوە لە سنووری قەزای چەمچەماڵ لافاو دروستبوو، سەرەڕای زیانی گیانی، بەهۆیەوە سەدان ماڵ بە تەواوی کەلوپەلەکانیان لەدەستدا، سەدان دووکان زیانیان پێگەیشت و چەندین فەرمانگەی حکومیش زیانیان پێگەیشت.

زانیاریی زیاتر: خێمەی ئاڤا لە بەردەم ئۆفیسی سەرەکی کەناڵەکە دانراوە، لە شەوی ڕابردووە هاووڵاتییانی هەولێر لەسەرجەم چین و توێژە جیاوازەکان هاوکاریی جۆراوجۆریان گەیاندووە بە خێمەکە کە پێکهاتووەن لە؛ دۆشەک، بەتانی، ڕاخەر، زۆپا، هیتەر و ئامێرە گەرمکەرەوەکان، جل وبەرگ و پێڵاو، خۆراکی ڕۆژانە و یاری منداڵان.

ئەمەش بزانە: هەر لە خێمەی ئاڤا سندووقێکی تایبەت بۆ کۆکردنەوەی پارە دانراوە و خێرخوازان دەتوانن بەکاش پارە بدەن.

ئەوەی پێویستە بیزانیت: خێرخوازان، سەرمایەداران، وەبەرهێنەران چین و توێژە جیاوازەکان،  دەتوانن بە سێ ڕێگای جیاواز هاوکاریی بگەیەننە کامپینەکەی ئاڤا:

ژمارەی پەیوەندی؛

07701718885 - 07508035020

 - لەڕێگەی کیو ئاڕ کۆدی (FIB)



- گەیاندنی هاوکاری بە ئۆفیسی سەرەکی ئاڤا میدیا لەسەر ڕێگای سەرەکی هەولێر - پیرمام، تەنیش فیردەوس سیتی.