زیندانییەک لە ڕێگەی ئاڤاوە هاوکاری زیانلێکەوتووانی چەمچەماڵ دەکات

ئاڤا نیوز

هاووڵاتییەک لە زیندانی چاکسازی گەورانی سلێمانییەوە، پشتیوانی بۆ کامپەینی کۆکردنەوەی هاوکاری لێقەوماوانی چەمچەماڵ و دەورووبەری ڕاگەیاند کە لە ئاڤا میدیا بەڕێوە دەچێت.

چیرۆکی سەرەکی: ئاڤا میدیا بەردەوامە ڕووماڵێکی تایبەت بۆ کۆکردنەوەی هاوکاری بۆ زیانلێکەوتووانی شاری چەمچەماڵ و شۆڕش و تەکیە، کە بەهۆی دروستوونی لافاوە زیانی گەورەیان بەرکەوتووە. 

لێدوانی فەرمی: بەشدار عەتا، هاووڵاتییەکی سلێمانی و ئێستا لە زیندانی چاکسازی گەورانە، پەیوەندییەکی تەلەفۆنی بە ئاڤا میدیاوە کرد و ڕایگەیاند: لە زیندانەوە بەردەوام چاومان لەسەر ئاڤایە و لەگەڵ زیندانییەکانی دیکە تا یەکی شەو سەیری ئاڤا دەکەین، بەبینیی دیمەنەکانی ڕووماڵی ڕووداوی لافاوەکەی چەمچەماڵ دڵمان ژان دەکات، بۆیە بڕیامدا لە ڕێگەی کامپەینەکەی ئاڤاوە هاوکاری زیانلێکەوتووانی چەمچەماڵ بکەم.

- گوتیشی، لە ڕیگەی کیو ئاڕ کۆدی سەر شاشەی ئاڤا بە (FIB) پارە دەدەم.