تاڵیبان ژمارەیەک زیندانیی ئەفغانی لە عێراق و پاکستان وەردەگرێتەوە

ئاڤا نیوز

وەزارەتی کاروباری کۆچبەرانی حکومەتی تاڵیبان لە ئەفغانستان ئاشکرای دەکات، 228 کۆچبەری ئەفغانی دوای ئازادکردنیان لە زیندانەکانی عێراق و پاکستان بۆ وڵاتەکەیان گەڕاونەتەوە.

 

ڕاگەیەندراوی فەرمی: میدیاکانی ئەفغانستان لە زاری وەزارەتی کاروباری کۆچبەرانی حکومەتی تاڵیبان بڵاویان کردەوە: لە چەند ڕۆژی ڕابردوودا، 224 کۆچبەر لە زیندانەکانی پاکستان و چوار کۆچبەری دیکەش لە زیندانەکانی عێراق ئازاد کراون و بۆ ئەفغانستان گەڕێنراونەتەوە.

 

زانیاریی زیاتر: لە بڵاوکراوەکەدا هاتووە، ئەو 224 کەسەی پاکستان دوای دوو مانگ مانەوە لە زیندان، لە ڕێگەی دەروازەی "سپین بۆلداک"ـەوە گەڕاونەتەوە، لە کاتێکدا چوار زیندانییەکەی عێراق دوای سێ مانگ زیندانیکردن، لە ڕێگەی دەروازەی "نیمرۆز"ـەوە گەیشتوونەتەوە ئەفغانستان.

 

ئەمەش بزانە: وەزارەتەکە ئاماژەی بەوەش کردووە، دوای تۆمارکردنی ناوەکانیان لە فەرمانگەکانی سەر سنوور و وەرگرتنی هاوکاری لە ڕێکخراوە پەیوەندیدارەکان، سەرجەم گەڕاوەکان ڕەوانەی ناوچە و شوێنی نیشتەجێبوونی خۆیان کراونەتەوە.