ئاڤا کامپەینێکی دیکە بۆ لێقەوماوانی چەمچەماڵ ڕادەگەیێنێت

ئاڤا نیوز

ئاڤا لەڕێگەی بەرنامەی خۆری ئاڤا بە سپۆنسەری دەزگای خێرخوازیی حاجی ئیدریس سورچی سەردانی چەمچەماڵی کرد و خانوو و پێداویستی تەواوی بۆ پێنج ماڵ دابینکرد، بەجۆرێک ئەو خانووانەی پێویستیان بە نۆژەنکردنەوە بوو، بۆیان نۆژەن دەکرێتەوە، ئەوانەشی خانوویان نەبووە، خانوویان بۆ دەکڕێت.

وێنە گەورەکە: خۆری ئاڤا بەرنامەیەکی ئاڤا میدیایە و بە سپۆنسەری دەزگای خێرخوازیی حاجی ئیدریس سورچی پێشکەش دەکرێت، تێیدا خانوو و پێداویستی ناوماڵ بۆ هەژار و کەمدەرامەت و لێقەوماوان دابین دەکات.

لێدوانی فەرمی: خاوەنی یەکێک لەو ماڵانە بە ئاڤای وت، بەهۆی لافاوەکە هیچ شتێکمان نەمابوو، بەڵام ئێستا بەهۆی ئێوەوە هەموو شتێکمان بۆ گەڕایەوە.

یەکێکی دیکە لە ئەندامانی ماڵەکە وتی، زۆر زۆر دڵخۆش بووین، سوپاس بۆ خوا بەهۆی ئاڤاوە هەموو شتێکمان بۆ دابینکرا.

زانیاریی زیاتر: لەگەڵ دابینکردنی خانوو و پێداویستییەکانی ناو ماڵ بۆ ئەو خێزانانە، بەرنامەی خۆری ئاڤا بێشکەی بۆ ئەو منداڵە دابینکرد کە بەهۆی لافاوەکە بێشکەکەی تێکشکابوو و داوای دەکردەوە.