وەزیری دەرەوەی لوبنان بانگێشتی ئێران بۆ سەردانی تاران ڕەت دەکاتەوە

ئاڤا نیوز

بەپێی ئاژانسێکی فەرمی، وەزیری دەرەوەی لوبنان، ڕازی نەبووە سەردانی ئێران بکات و دەڵێت، "وڵاتەکەی ئامادەیە بۆ قۆناغێکی نوێی پەیوەندیی لەگەڵ ئێران، بە مەرجێک پەیوەندییەکان تەنیا لەسەر بنەمای ڕێزی سەروەریی یەکتر بێت".

 

چیرۆکی سەرەکی: بۆ گفتوگۆکردن لەسەر چەند پرسێکی نێوان هەردوو وڵات، هەفتەی ڕابردوو عەباس عێراقچی، وەزیری دەرەوەی ئێران بانگهێشتی، یوسف ڕەجی، هاوتا لوبنانییەکەی بۆ تاران کردبوو.

 

ڕاگەیێنراوی فەرمی: ئاژانسی نیشتمانیی فەرمیی لوبنان بڵاوی کردەوە: یوسف ڕەجی، وەزیری دەرەوەی لوبنان، ڕەتی کردووەتەوە بۆ هەر مەبەستێک سەردانی ئێران بکات و لە بری ئەوە پێشنیازی کردووە دیدارەکە لە وڵاتێکی بێلایەن ئەنجام بدرێت.

 

هۆكاره‌ زانراوه‌كان: ڕەجی هۆکاری بڕیارەکەی بۆ بارودۆخی هەنووکەیی گەڕاندەوە و جەختی کردەوە، ئەمە بە واتای ڕەتکردنەوەی گفتوگۆ نییە، بەڵکو کەشوهەوای گونجاو ئێستا لە ئارادا نییە.

 

په‌یامی فه‌رمی: سەبارەت بە ئایندەی پەیوەندییەکانی نێوان بەیروت و تاران، وەزیری دەرەوەی لوبنان ئاماژەی بەوە کردووە، وڵاتەکەی ئامادەیە بۆ قۆناغێکی نوێی پەیوەندیی لەگەڵ ئێران، بە مەرجێک پەیوەندییەکان تەنیا لەسەر بنەمای ڕێزی یەکتر و پاراستنی سەروەری و دەستوەرنەدان لە کاروباری ناوخۆی یەکتر بێت.

 

ئەمەش بزانە: بۆ پرسی چەکی حیزبوڵڵاش، ڕەجی جەختی لەوە کردەوە، بونیادنانی دەوڵەتێکی بەهێز و سەربەخۆ مەحاڵە، ئەگەر دەوڵەت لە ڕێگەی سوپا نیشتمانییەکەیەوە مافی ڕاماڵینی چەکی نەبێت، هەروەها دەبێت حکومەت بە تەنیا خاوەنی بڕیاری پرسەکانی پەیوەست بە شەڕ و ئاشتی بێت.