ژمارەی گەشتیاران بۆ دهۆک کەمی کردووە

ئاڤا نیوز

 

ئەمساڵ ژمارەی چوونی گەشتیاران بۆ دهۆک لە یەکەم ڕۆژی جەژندا کەمی کردووە، یەکێک لە هۆکارەکانیش خراپی کەشوهەوایە.

 

وێنە گەورەکە: بەروارد بە ساڵەکانی ڕابردوو، ئەمساڵ ژمارەی گەشتیارن بۆ دهۆک لە جەژنی ڕەمەزاندا کەمی کردووە، گەشتوگوزاری پارێزگاکەش هۆکارەکەی بۆ خراپی کەشوهەوا دەگەڕێنێتەوە.

 
لێدوانی فەرمی: شەماڵ هروری، گوتەبێژی گەشتوگوزاری دهۆک بۆ ئاڤا نیوز باسی لە دوو هۆکار کرد:

یەکەم: ڕاستەوخۆ دوای جەژنی ڕەمەزان تاقیکردنەوەی قوتابییان دەستپێدەکات.

دووەم: خراپی ڕەوشی کەشوهەوا و لافاوی ماوەی ڕابردوو.

 

باکگراوند: لە جەژنی قوربانی ساڵی ڕابردوو لە ماوەی سێ چوار ڕۆژی جەژندا زیاتر لە 60 هەزار گەشتیار سەردانی شوێنە گەشتیارییەکانی سنووری پارێزگای دهۆکیان کردبوو.