نۆ ساڵە خەڵکی شنگال لە ئاوارەییدا جەژن دەکەنەوە

ئاڤا نیوز

 

بەهۆی هێرشەکانی داعش و ئاوارەبوونیان لە زێدی باوک و باپیرانیان، نۆ ساڵە خەڵکی شنگال لە ئاوارەییدا و لە کەمپەکان جەژن دەکەنەوە.

 

وێنە گەورەکە: بەهۆی ئاوەداننەکردنەوە و ئاسایینەکردنەوەی قەزای شنگال و دەوروبەری، تاوەکو ئێستا نزیکەی 80%ی ئاوارەکانی دەڤەرەکە نەگەڕاونەتەوە و لە کەمپەکانی هەرێمی کوردستان نیشتەجێن.

 

لێدوانە فەرمییەکان: حوسێن شنگالی، نوێنەری مسوڵمانانی کەمپی کەبەرتوو بە ئاڤا نیوزی گوت:  دەتوانین بڵێن ئەمڕۆ سێ جەژنە، جەژنی ڕەمەزان، چوارشەممەی سەری ساڵی ئێزدییان و هەروەها جەژنی سێیەم بەهۆی سەرۆکوەزیران بارزانی بوو کە دوو مووچەی بە خەڵک دا.

 

خدێدا کرتۆ، ئاوارەی کوردی ئێزدی بۆ ئاڤا نیوز گوتی: نزیکی 10 ساڵە ئێمە دراوسێی یەکین و ئەرک و ماف و چاکەی زۆرمان بەسەر یەکەوە هەیە.

 

مراد مەحلۆ، نوێنەری کوردانی ئێزدی کەمپی کەبەرتوو بۆ ئاڤا نیوز دەڵێت: ئەمڕۆ جەژنی چوارشەممەی نیسانە لای ئێمە لە چینی هەژارەکان، ئەم جەژنە لە هەموو ئێزدییەکان پیرۆز دەکەم بەتایبەتی چینی هەژار.

 

ئەوەی پێویستە بیزانیت: چوارشەممەی سوور، جەژنی سەری ساڵی کوردانی ئێزدییە و یەکێکە لە گەورەترین جەژنەکانیان.