مەسرور بارزانی و باڵیۆزی ئێران پێكهێنانی حكومەتی نوێی فیدراڵ تاوتوێ دەكەن

ئاڤا نیوز

سەرۆكوەزیران مەسرور بارزانی، دۆخی گشتیی عێراق دوای هەڵبژاردن و گفتوگۆی لایەنە سیاسییەكان بۆ پێكهێنانی كابینەی نوێی حكومەتی فیدراڵ، لەگەڵ باڵیۆزی كۆماری ئیسلامیی ئێران لە عێراق، تاوتوێ دەكات.

چیرۆكی سەرەكی: ئەمڕۆ یەکشەممە، سەرۆكوەزیران مەسرور بارزانی، سەرۆکوەزیرانی هەرێمی کوردستان، پێشوازی لە محەممەد کازم ئال سادق، باڵیۆزی کۆماری ئیسلامیی ئێران لە عێراق کرد، لە كۆبوونەوەیەكدا كە فەرامەرز ئەسەدی، كونسوڵی گشتیی ئێران لە هەولێر ئامادەی بوو، چەند پرسێكی هەنووكەییان تاوتوێ كرد.

ڕاگەیێنراوی فەرمی: بەپێی ڕاگەیێنراوی فەرمیی حكومەتی هەرێمی كوردستان، پەرەپێدانی پەیوەندیی دووقۆڵی هەرێمی كوردستان و ئێران، دۆخی گشتیی عێراق دوای هەڵبژاردنی ئەنجوومەنی نوێنەران و گفتوگۆی لایەنە سیاسییەکان بۆ پێکهێنانی کابینەی نوێ، تەوەری سەرەكیی كۆبوونەوەی سەرۆكوەزیرانی هەرێمی كوردستان و باڵیۆزی ئێران لە عێراق بووە.

زانیاریی زیاتر: لە بەشێکی دیکەی گفتوگۆکاندا، جەخت لە برەودان بە پەیوەندییەکانی هەرێمی کوردستان و کۆماری ئیسلامیی ئێران کرایەوە، بە تایبەتی لە بوارەکانی ئابووری و بازرگانی و فەرهەنگیدا.