پاتریارکی کلدانەکان دەگەڕێتەوە بەغدا

ئاڤا نیوز

 

دوای نۆ مانگ، جارێکی دیکە پاتریارکی کەنیسەی کلدانەکان لە عێراق و جیهان دەچێتەوە بارەگاکەی خۆی لە بەغدا.

 

وێنە گەورەکە: سوودانی پێش چوونی بۆ واشنتن، بە بانگهێشتکردنی کاردیناڵ لویس ساکۆ بۆ بەغدا شکست بە مەرسومێکی سەرۆکایەتیی کۆمار دەهێنێت کە نۆ مانگ لەمەوبەر دەرکرابوو.

 

ڕاگەیێنراوی فەرمی: کڵێسەی کلدانەکان لە عێراق و جیهان ڕایگەیاند: "ئێوارەی ڕۆژی چوارشەممە لەسەر داوای  سوودانی لویس ساکۆ، پاتریارکی کڵێسەی کلدانی لە عێراق و جیهان گەڕایەوە بارەگاکەی خۆی لە بەغدا".

 

بۆچی گرنگە: دوای سەردانی سەرۆکوەزیران بارزانی بۆ ئەمریکا و ڕێککەوتن لەگەڵ سوودانی، هەوڵەکان بۆ چارەسەرکردنی کێشەکانی نێوان هەولێر و بەغدا بەرەو پێش چوونە، گەڕانەوەی لویس ساکۆ بۆ بارەگای خۆی لە بەغدا یەكێکی دیکەیە چارەسەرەکان.

 

باکگراوند: هەرێمی کوردستان بووەتە پەناگە و نەوای کریستیانەکانی عێراق؛ دوای جێهێشتنی بەغدا لویس ساکۆ هاتە هەولێر و لەلایەن بەرپرسانی باڵای هەرێمی کوردستانەوە پێشوازییەکی گەرمی لێکرا.