سەرۆك بارزانی و باڵیۆزی ئێران لە عێراق بارودۆخی ناوچەکە تاوتوێ دەکەن

ئاڤا نیوز

سەرۆک بارزانی و باڵیۆزی کۆماری ئیسلامی ئێران لە عێراق کۆبوونەوە و دۆخی ناوچەکەیان تاوتوێ کرد.

چیرۆکی سەرەکی: ڕۆژی دووشەممە 15-12-2025، لە پیرمام، سەرۆک مەسعود بارزانی، پێشوازی لە محەممەد کازم ئال سادق، باڵیۆزی کۆماری ئیسلامی ئێران لە عێراق کرد.

ڕاگەیێنراوی فەرمی: بارەگای بارزانی ڕایگەیاند، لە دیدارەکەدا فەرامەرز ئەسەدی، کونسوڵی گشتیی کوماری ئیسلامی ئێران لە هەولێر ئامادەی بوو، دۆخی ناوچەکە بە گشتی و بارودۆخی سیاسیی عێراق و پەیوەندییەکانی نێوان هەولێر و بەغدا خرانە بەر باس و گفتوگۆ

لەلایەکی دیکەوە: هەر لەو دیدارەدا باس لە پەیوەندییەکانی نێوان هەرێمی کوردستان و کۆماری ئیسلامی ئێران کرا. هەردوولا جەختیان لە برەودانی زیاتر بەم پەیوەندیانە لەسەر بنەمای بەرژەوەندی هاوبەش لە هەموو بوارەکاندا کردەوە.