بەغدا دوای 35 ساڵ پێشوازی لە یەکەم فڕۆکەی ئەوروپی دەکات

ئاڤا نیوز

وەزارەتی گواستنەوەی عێراق، گەیشتنی یەکەم فڕۆکەی ئەوروپی بۆ فڕۆکەخانەی نێودەوڵەتی بەغدا دوای 35 ساڵ ڕاگەیاند.

ڕاگەیێنراوی فەرمی: وەزارەتی گواستنەوەی عێراق ڕایگەیاند:"گەشتەکە لەسەر هێڵێ بەغدا-ئەسینا-بەغدا بەپێی خشتەیەکی ئاسایی ئەنجامدراوە و هەفتانە دوو گەشتە لەو هێڵە دەکرێت، لەگەڵ ئەگەری زیادکردنی ژمارەی گەشتەکان لەداهاتوودا بەپێی خواست و  فاکتەرەکان" ئاماژەی بەوەشکرد، "گەشتەکە لەلایەن کۆمپانیای Aegean Airlinesی نیشتمانیی یۆنانی ئەمەش بووە یەکەم گەشتی هێڵی ئاسمانی ئەوروپی کە لە ماوەی زیاتر لە سێ دەیەدا لە بەغدا بنیشێتەوە کە ئاماژەیە بۆ گەڕانەوەی عێراق بۆ نەخشەی فڕۆکەوانی ئەوروپا".

- وەزارەتەکە گەشبینە بەوەی قەدەغەکردنی گەشتە ئەوروپیەکان بە تەواوی هەڵبگیرێن و ڕایگەیاند: "ئەم پێشهاتانە ڕاستەوخۆ بەشدارن لە پاڵپشتیکردنی هەوڵەکان بە ئامانجی هەڵگرتنی قەدەغەکردنی ئەوروپی کە بەسەر هێڵی ئاسمانی نیشتمانی عێراقدا سەپێنراوە، بەتایبەتی لە ژێر ڕۆشنایی ئەو پێشکەوتنە بەرچاوەی هێڵی ئاسمانی عێراقی بەدەستیهێناوە لە جێبەجێکردنی مەرجەکانی پرۆگرامی IOSA، کە ڕێژەی ڕاستکردنەوەی تێبینی و هەڵە تۆمارکراوەکان گەیشتووە 81%".