دادگەی تاوانی نێودەوڵەتیی داواکارییەکی ئیسرائیل ڕەتدەکاتەوە سەبارەت بە غەززە

ئاڤا نیوز

ڕۆژی دووشەممە، دادگای تاوانی نێودەوڵەتیی ڕۆژی تانەیەکی دیکەی ئیسرائیلی ڕەتکردەوە بۆ ڕاگرتنی لێکۆڵینەوەکانی سەبارەت بە بەڕێوەبردنی شەڕی لەسەر کەرتی غەززە.

ڕاگەیێنراوی فەرمی: دادگای تاوانە نێودەوڵەتییەکان لە ڕایگەیاند: دادوەرانی تێهەڵچوونەوە لە دادگاکە بە زۆرینەی دەنگ، تانەیەکی دیکەیان ڕەتکردەوە کە لەلایەن ئیسرائیلەوە تۆمارکرابوو بۆ ڕاگرتنی لێکۆڵینەوەکانی دادگا سەبارەت بە بەڕێوەبردنی شەڕی کەرتی غەززە".

ئەو مانایەی دەگەیێنێت: بەگوێرەی ئاژانسی ڕۆیتەرز، ئەم بڕیارە بەو مانایەیە "لێکۆڵینەوەکان بەردەوامن و ئەو فەرمانی دەستگیرکردنانەی ساڵی ڕابردوو لە دژی بنیامین نەتانیاهۆ، سەرۆکوەزیرانی ئیسرائیل و یۆلاڤ گالانت، وەزیری پێشووی بەرگری ئیسرائیل دەرکراون بەردەوامن و وەکو خۆیانن ماون" و پێشتریش دوو جاری دیکە داواکاریی هاوشێوەی ئیسرائیل لەلایەن دادگەکەوە ڕەتکراوەتەوە.

لەلایەکی دیکەوە: وەزارەتی دەرەوەی ئیسرائیل لە ڕاگەیێنراوێکی کورتدا لە تۆڕی "ئێکس" لێدوانی لەسەر بڕیارەکە دا و ڕایگەیاند کە "ئەمە نموونەی بێ بایەخکردنی دادگای تاوانەکانی نێودەوڵەتییە بۆ مافە سەروەرییەکانی وڵاتانی نا ئەندام."

ئەوەی پێویستە بیزانیت: پێشتر، دادگای تاوانە نێودەوڵەتییەکان ڕووبەڕووی فشار و هەڕەشەی ئیسرائیل و هاوپەیمانە ڕۆژئاواییەکانی بووەوە، هەروەها ئەمریکای سزای بەسەر ژمارەیەک دادوەردا دەرکردووە دوای ئەوەی فەرمانی دەستگیرکردنیان بۆ نەتانیاهۆ و گالانت دەرکرد.