سێ ئەندامی هێزە ئەمنییەکانی ئێران کوژران

ئاڤا نیوز

 

میدیاکانی ئێران بڵاویان کردەوە، شەڕ و پێکدادان لە پارێزگای کرمان لە باشووری ئێران ڕوویداوە و بە هۆیەوە چەند کەسێک کوژراون.

 

ڕاگەیێنراوی فەرمی: سوپای پاسدارانی ئێران لە بەیاننامەیەکدا ڕایگەیاند "لە ناوچەی بازگەی فەهرەج کە دەکەوێتە ڕۆژهەڵاتی پارێزگای کرمان، سێ ئەفسەری ئەمنی و هاووڵاتییەک کوژراون".

 

زانیاریی زیاتر: پۆلیسی کرمان ڕایگەیاندووە "پێکدادانەکان لە نێوان تیرۆریستییەکان و هێزەکانی جێگیر لە بازگەیەکدا" ڕوویداوە.

 

ئەمەش بزانە: شاری فەهرەج نزیکە لە پارێزگای سیستان و بەلوچستانی لە باشووری ڕۆژهەڵاتی ئێران کە هاوسنوورە لەگەڵ پاکستان و ئەفغانستان و لە مێژە خاڵی هەڵگیرسانی پێکدادانەکانی نێوان هێزە ئەمنییەکان و گرووپە چەکدارەکانە، لەنێویاندا بازرگانانی ماددە هۆشبەرەکان و جوداخوازان.