مووچەی مانگی 10 کێشەی بۆ دروست نەبووە و ئاڤا وادەی ناردنی ئاشکرا دەکات

ئاڤا نیوز

 

بەرپرسێکی باڵای حکومەتی عێراق دەڵێت، ناردنی مووچەی مانگی 10ـی فەرمانبەران کوردستان هیچ گرفتێکی بۆ دروست نەبووە و ناردی پارەکەش دەکەوێتە دوای 25ـی مانگ.

 

وێنە گەورەکە: مووچەخۆرانی هەرێمی کوردستان تاوەکو ئێستا تەنها مووچەی 9 مانگیان لەلایەن بەغداوە بۆ خەرجکراوە. هاوکات لە چەند ڕۆژی ڕابردوودا چەند دەنگۆیەک بڵاو کرانەوە کە گرفت بۆ مووچەی مانگی 10 دروست بووە و ناردنی ئەو پارەیە لەلایەن عێراقەوە بۆ هەرێمی کوردستان دوادەکەوێت.

 

لێدوانی فەرمی: بەرپرسێکی باڵای حکومەتی عێراق، کە لە هەمووان زیاتر ئاگاداری زانیاری لەبارەی مووچەیە بە ئاڤای گوت، مووچەی مانگی 10 هیچ کێشە و گرفتێکی بۆ دروست نەبووە، لیستی مووچە وردبینی بۆ کراوە و گرفتی نییە. ناردنی پارەکەش بۆ مووچەی مانگی 10 دەکەوێتە دوای 25ی ئەم مانگە. 

 

-کاتێک حکومەتی عێراق دەست بە دابەشکردنی مووچەی مانگی 12ی فەرمانبەرانی خۆی دەکات و مووچەی دوو بۆ سێ وەزارەت دەدات، ئەوکات مووچەی مووچەخۆرانی کوردستانیش دەنێرێت.

لەلایەکی دیکە: ئەمڕۆ سێشەممە لیستی مووچەی مانگی 12 بۆ بەغدا نێردرا و سبەی ڕادەتی وەزارەتی دارایی عێراق دەکرێت.