پۆلیسی زاخۆ داوایەک لە هاندەرانی یانەی زاخۆ دەکات

ئاڤا نیوز

 

پۆلیسی زاخۆ، دوای بردنەوەی خەڵاتی باشترین هاندەری جیهان لەلایەن یانەی زاخۆ داوا لە هاونیشتمانیان و هاندەرانی ئەو یانەیە دەکات بە گیانی وەرزشی ئاهەنگ بگێڕن و بەهیچ جۆرێک چەک بەکارنەهێنن.

 

وێنە گەورەکە: هاندەرانی یانەی زاخۆ خەڵاتی باشترین هاندەرانی وەرزشی ساڵی 2025یان بەدەستهێنا و کاتژمێر8:30ـی ئەمشەو یەکێتیی تۆپی پێی جیهان بە فەرمی براوەکانی خەڵاتی"THE BEST" ڕادەگەیەنێت، هاندەرانی یانەی زاخۆش یەکێکن لە براوەکانی ئەم خەڵاتە.

 

ڕاگەیێنراوی فەرمی: بەڕێوەبەرایەتیی پۆلیسی زاخۆ، داوا لە هاونیشتمانیان و هاندەرانی یانەی زاخۆ دەکات، لە کاتی ئاهەنگێران و خۆشی دەربڕین بۆ بەدەستهێنانی خەڵاتی باشترین هاندەرانی جیهان، گرژی دروست مەکەن و چەک بەکارمەهێنن، گیانی خۆتان و هاونیشتمانیان مەخەنە مەترسی و بەهیچ جۆرێک چەک بەکارمەهێنن.

 

ئەمەش بزانە: یەکێتیی تۆپی پێی جیهان"FIFA"، ساڵانە خەڵاتی باشترین "THE BEST" بە باشترین (یاریزان، گۆڵچی، ڕاهێنەر) لە ئاستی کوڕان و کچان، باشترین پێکهاتەی ساڵ، باشترین هاندەر، جوانترین گۆڵ دەبەخشێت.