سەدر هێزەکانی سەرایا سەلام لە دوو پارێزگا سڕ دەکات

ئاڤا نیوز

 

ڕێبەری ڕەوتی نیشتمانیی شیعە ڕایگەیاند: بەمەبەستی دانانی سنوور بۆ ئەو پێشێلکارییانەی بەرامبەر شکۆی ئەندامانی هێزەکەی لە پارێزگای بەسرە و واست دەکرێت لەلایەن "گەندەڵکارانەوە"، بۆ ماوەی شەش مانگ هێزی سەرایا سەلام لەو دوو ناوچەیە سڕ دەکات.

 

لێدوانی فەرمی: موقتەدا سەدر، ڕێبەری ڕەوتی نیشتمانیی شیعە لە پەیامێکدا ئەوەشی خستووەتەڕوو، پێویستە لەسەر تەحسین حەمیداوی، فەرماندەی سەرایا سەلام، بارەگای هێزەکانی لە بەسرە و کوت (ناوەندی واست) بۆ ماوەی شەش مانگ دابخات، تاوەکو پێداچوونەوە بەو پێشێلکاریی و بێڕێزییانە دەکرێت، کە بەرامبەر شکۆی ئەندامانی هێزەکە دەکرێت ئەگەر لەلایەنی سێیەمیشەوە بێت.

 

زانیاریی زیاتر: دەشڵێت، شكۆی ئەندامانی هێزەکەی لە بوونیان گرنگترە و سوپاسی هۆشیاری و وەڵامنەدانەوەی پێشێلکارییەکان لەلایەن ئەندامانی سەرایا سەلامەوە دەکات، کە لەلایەن "گەندەڵکار و ئاژاوەگێڕانەوە" بەرامبەریان کراوە.