سوید دەستبەسەرکردنی هاووڵاتییەکی لە ئێران ڕادەگەیێنێت: "بەتۆمەتی سیخوڕی بۆ ئیسرائیل"

ئاڤا نیوز

وەزارەتی دەرەوەی سوید دەستبەسەرداگرتنی هاوڵاتییەکی خۆی لە ئێران پشتڕاست کردەوە، بەڵام وردەکاری لەسەر بابەتەکە نەدا و ناسنامەی کەسە دەستبەسەرداگیراوەکەی ئاشکرا نەکرد.

 

ڕاگەیێنراوی فەرمی: وەزارەتی دەرەوەی سوید لە ڕاگەیێنراوێکدا دەڵێت لە ڕێگەی باڵیۆزخانەکەیان لە تاران لەگەڵ خێزانی کەسە دەستبەسەرداگیراوەکە لە پەیوەندیدان و پارێزەرێکی هەیە بۆ بەرگریکردن لە خۆی لە دادگادا. دەشڵێت بۆ ڕێزگرتن لە کارە نهێنییەکان و بۆئەوەی کۆسپ لە کارەکان دروست نەکەین، وردەکاری زیاتر ناخەینەڕوو.

 

ئەوەی پێویستە بیزانیت: کاردانەوەی سوید چەند کاتژمێرێک دوای ئەوە بوو کە دەسەڵاتی دادوەریی ئێران هەواڵی دەستبەسەرداگرتنی هاوڵاتییەکی ئێرانی-سویدی بە تۆمەتی سیخوڕی لە بەرژەوەندیی ئیسرائیل، لە ماوەی جەنگی دوازدە ڕۆژەی نێوان ئێران و ئیسرائیل بڵاو کردەوە.