لە ناوەڕاستی بەغدا زیندانییەک لە دەست هێزە ئەمنییەکان ڕادەکات

ئاڤا نیوز

لە ناوەڕاستی بەغدای پایتەخت لە کاتی گواستنەوەی زیندانییەک لە شوێنێکی بۆ شوێنێکی دیکە، لە دەست هێزە ئەمنییەکان ڕادەکات و دوای تەقەکردنێکی زۆر دەستگیر دەکرێتەوە.

 

زانیاریی بەدەستهاتوو: سەرچاوەیەکی ئەمنی ئەمڕۆ چوارشەممە بە میدیای عێراقی ڕایگەیاند، هێزێکی ئەمنی هەوڵی هەڵاتنی زیندانییەکی لە ناوەڕاستی شاری بەغدای پایتەخت پووچەڵ کردووەتەوە.

 

چی ڕووی دا: هێزە ئەمنییەکان کە سەرپەرشتیی گواستنەوەکەیان کردووە، تەقە بە ئاسماندا دەکەن بە مەبەستی ڕاگرتنی، بەو هۆیەوە دەستگیری دەکەن بەبێ ئەوەی هیچ زیانێکی گیانی لێ بکەوێتەوە.

 

پێدراوە ڕاستییەکان: گرتەی ڤیدیۆیی پرۆسەی دەستگیرکردنەوەی زیندانییەکە لە تۆڕە کۆمەڵایەتییەکان بڵاو بووەوە، لە گرتە ڤیدیۆکە دەردەکەوێت کە چەند کەسێک زیندانییەکەیان دەستگیر کردووە و لەسەر زەوی بەدوای خۆیان ڕایدەکێشن.