دەنگی چەند تەقینەوەیەک لە نزیک بنکەی ئاسمانیی بەلەد دەبیسترێت

ئاڤا نیوز

دەنگی چەند تەقینەوەیەک لە نزیک بنکەی ئاسمانیی بەلەد لە سەڵاحەددین بیسترا، بەڵام پۆلیسی سەڵاحەددین دواتر هەواڵەکەی ڕەتکردەوە و ڕایگەیاند هیچ ڕووداوێکی ئەمنی تۆمار نەکراوە.

زانیاریی بەدەستهاتوو: پەیامنێری ئاڤا میدیا لە سەڵاحەددین ڕایگەیاند، ئێوارەی ئەمڕۆ چوارشەممە دەنگی چەند تەقینەوەیەک لە سەڵاحەددین بیستراوە و بە ڕوونی دەنگی دوو تەقینەوە لە دەوروبەری بنکەی ئاسمانیی بەلەد بیستراون.

لەلایەکی دیکەوە: سەرچاوەیەکی ئەمنی لە فەرماندەیی پۆلیسی سەڵاحەددین بە میدیای عێراقی ڕایگەیاند، "دوای وردبینیی مەیدانی و هەماهەنگی لەگەڵ لایەنە پەیوەندیدارەکان، هیچ تەقینەوە یان ڕووداوێکی ئەمنی لە دەوروبەری بنکەکە لە کاتژمێرەکانی ڕابردوودا تۆمار نەکراوە."

زانیاریی زیاتر: سەرچاوەکە ڕوونیکردەوە، "ئەو دەنگانەی لە ناوچەکە بیستراون، بە ئەگەری زۆرەوە ئەنجامی ڕاهێنانی ئاسایی ناو بنکەی ئاسمانین و ئەنجامی هیچ کارێکی ئەمنی نین."