بەسەرپەرشتیی سەرۆک بارزانی کۆمیتەی ناوەندی پارتی کۆدەبێتەوە

ئاڤا نیوز

به‌سەرپەشتیی سەرۆک بارزانى ئەمڕۆ پێنجشەممە كۆمیته‌ی ناوەندیی پارتى دیموکراتی کوردستان له‌بارەی چەند پرسێکی  تایبەت بە ناوخۆی حیزب و هەرێمی کوردستان و ناوچەکە کۆدەبێتەوە.

چیرۆکی سەرەکی: دوای کۆبوونەوەی نێوان شاندی پارتی دیموکراتی کوردستان و یەکێتیی نیشتمانیی کوردستان، کە ئەمڕۆ پێنجشەممە کۆمیتەی ناوەندی پارتی کۆ دەبێتەوە و گفتوگۆ لەسەر دوایین پێشهاتەکانی هەرێمی کوردستان و ناوچەکە دەکات.

زانیاریی بەدەستهاتوو: پێشنیوەڕۆی ئەمڕۆ پێنجشەممە لە پیرمام، بەسەرپەرشتیی سەرۆک بارزانی، کۆبوونەوەی کۆمیتەی ناوەندی پارتی دیموکراتی کوردستان بەڕێوەدەچێت، بەپێی زانیارییەکانی هیشام سەعید، پەیامنێری ئاڤا میدیا، لە کۆبوونەوەکەدا گفتوگۆ لەبارەی پێکهێنانی هەردوو حکومەتی کوردستان و عێراق دەکرێت، باس لە دوایین کۆبوونەوەی نێوان شاندی پارتی و یەکێتی بۆ پێکهێنانی کابینەی نوێی حکومەت دەکرێت، کە ڕۆژی سێشەممە لە پیرمام کرا.

لێدوانی فەرمی: ئومێد خۆشناو، ئەندامی کۆمیتەی ناوەندیی پارتی دیموکراتی کوردستان بە ئاڤای ڕاگەیاند، ئەمە دەبێتە کۆبوونەوەی وەرزی کۆمیتەی ناوەندی پارتی و بەهۆی ئەوەی لە کۆتایی ساڵ نزیک دەبینەوە ئەو حیزبە کۆبوونەوەی وەرزی دەکات.