11 ساڵ لە نێو ئاسن و وەرزشدا؛ کچە کوردێک سێ یەکی تەمەنی بە لەشجوانی بەخشیووە

ئاڤا نیوز

 

خانمێک لە ڕانیە جیاواز لە هاوڕێکانی خولیاو  و پیشیەکی جیاوازی بۆ خۆی هەڵبژاردووە؛ ئەویش یاری لەشجوانی و بەرزکردنەوەی قورساییە، لەو بوارەشدا بەشداری لە چەند پاڵەوانێتییەک کردووە و توانیویەتی پلەی یەکەم بەدەست بهێنێت.

 

چیرۆکی سەرەکی: خانمە وەرشوانێکی ڕانیە پاڵەوانی هێزی  لەشە. دڵخۆش عەبدوڵڵا نزیکەی 11 ساڵە یاری لەشجوانی دەکات، ئەو  لە ڕانیە لەدایکبووە و سێ یەکی تەمەنی بە یاری لەشجوانی بەسەربردووە.

 

چیرۆکی دەستپێکردنی یاری لەشجوانی لای دڵخۆش لەلایەک بۆ ئەو کاتە دەگەڕێتەوە کە هەستی بە بێهێزیی جەستەی کردووە لە لایەکەی دیکەش سەرسام بووە کە جەستەی ڕێکی باوکی و تەندروستییەکەی، کە ئەویش وەک خۆی وەرزشوان بووە.