لە هێرشێکی ئەمریکادا پێنج چەکداری داعش لە سووریا کوژران

ئاڤا نیوز

لە هێرشێکی ئاسمانیی هێزەکانی ئەمریکادا لە ڕۆژهەڵاتی سووریا، پێنج چەکداری داعش کوژران، کە یەکێکیان سەرکردەی شانەیەکی مەترسیداری نێو ڕێکخراوەکە بووە.

ڕاگەیێنراوی فەرمی: ڕامی عەبدولڕەحمان، بەڕێوەبەری ڕوانگەی سووری بۆ مافەکانی مرۆڤ ڕایگەیاند، شەوی ڕابردوو فڕۆکە جەنگییەکانی ئەمریکا چەند پێگەیەکی داعشیان لە پارێزگای دێرەزوور کردووەتە ئامانج. لە ئەنجامدا پێنج ئەندامی داعش کوژراون کە سەرکردەیەکی گروپەکەشیان تێدایە. 

زانیاریی زیاتر: ئەو شانەیەی کراوەتە ئامانج بەرپرسیار بوون لە "ئۆپەراسیۆن و بەڕێوەبردنی فڕۆکەی بێفڕۆکەوان" لە ناوچەکەد.

لەلایەکی دیکەوە: پێشتر فەرماندەیی ناوەندیی هێزەکانی ئەمریکا (CENTCOM) ڕایگەیاندبوو کە لە ئۆپەراسیۆنێکی بەرفراواندا، زیاتر لە 70 ئامانجی جیاوازیان لەنێو خاکی سووریادا پێکاوە.