ئیسرائیل بۆردوومانی باشووری لوبنانی كرد

ئاڤا نیوز

کەمێک پێش ئێستا، سوپای ئیسرائیل بۆردوومانی سێ ناوچەی جیاوازی لە لوبنان کرد، کەتیبەکانی حیزبوڵڵای کردە ئامانج.

ئەوەی پێویستە بیزانیت: لە بۆردوومانەکەدا سێ بارهەڵگری حیزبوڵڵای لوبنان لە ناوچەکانی مەیس ئەلجەبەل و یارین وخام لە باشووری لوبنان کرانە ئامانج.

لێدوانی فەرمی: سوپای ئیسڕائیل ڕایگەیاند: ئامانجەکەمان بەسەرکەوتوویی پێکاوە کە سێ بارهەڵگری چەک وتەقەمەنی بوون.

بۆچوونی لایەنی بەرامبەر: تا ئێستا حیزبوڵڵای لوبنان هیچ لێدوانێکی لەوبارەیەوە نەداوە.

باکگراوند: لە ماوەی سێ ڕۆژی ڕابردوودا ئیسرائیل سێ جار بۆردوومانی حیزبوڵای لوبنانی لە سووریا و لوبنان کردووە، چەندین قوربانی سەربازی هەبووە و ئەو گرووپەش هەڕەشەی تۆڵەسەندنەوە دەکات.