بەهۆی تەقینی بوتڵێک غاز لە دهۆک دوو کەس بریندار بوون

ئاڤا نیوز

 

ئەمشەو کاتژمێر 10:15 خولەک لە دهۆک بەهۆی تەقینی بوتڵێکی غاز لە ماڵێک دوو ژن بریندار بوون.

 

لێدوانی فەرمی: بێوار عەبدولعەزیز، وتەبێژی بەرگریی شارستانیی دهۆک بە ئاڤا میدیای وت: کاتژمێر 10:15 خولەکی ئەمشەو، لە گەڕەکی (KRO) بەهۆی لێچوونی غاز دوو ژن بریندار بوون. یەکێک لە بریندارەکان ژنی خاوەن ماڵەکەیە و ئەوی دیکەش کارگوزاری ماڵەکەیە.

 

وتەبێژی بەرگریی شارستانیی دهۆک وتیشی: لێچوونی غاز لە ماڵەکە هەبووە، بەڵام کاتێک ویستوویانە غازەکە بخەنە کار؛ تەقیوەتەوە.

 

ئەوەی پێویستە بیزانیت: بریندارەکان ڕەوانەی نەخۆشخانە کراون تا چارەسەری پێویستیان بۆ بکرێت.