وەزارەتی دەرەوەی ئەمریکا بۆ ئاڤا: داوا لە هەسەدە و حکومەتی سووریا دەکەین دان بەخۆیاندا بگرن

ئاڤا نیوز 

 

ئەمریکا جەخت لەوە دەکاتەوە هەوڵەکانیان بۆ جێبەجێکردنی ڕێککەوتنی نێوان هەسەدە و حکومەتی سووریا چڕدەکەنەوە، بەرپرسێکی ئەمریکاش دەڵێت، داوا لە سەرجەم لایەنەکان دەکەین دان بەخۆیاندا بگرن.

 

وێنە گەورەکە: ئێوارەی ڕۆژی دووشەممە، 22-12-2025، پێکدادانی چەکداریی قورس لەنێوان هێزەکانی ئاسایش (کە پارێزگاری لە گەڕەکە کوردنشینەکانی شێخ مەقسوود و ئەشرەفیە دەکەن) و هێزەکانی سەر بە وەزارەتی بەرگریی سووریا ڕووی دا. ئەم پێکدادانە لە کاتێکی هەستیاردا هات کە هەردوولا لە ژێر فشاری ئەمریکادان بۆ یەکخستنی هێزە سەربازییەکانیان پێش کۆتایی ئەمساڵ.

 

لێدوانی فەرمی: بەرپرسێک لە وەزارەتی دەرەوەی ئەمریکا کە نەیویست ناوەکەی ئاشکرا بکرێت لە لێدوانێکی تایبەتدا بۆ ئاڤا میدیا ڕایگەیاند، تۆم باراک بەردەوامە لە پشتیوانیکردن و ئاسانکاری بۆ دەسپێکردنی گفتوگۆکانی نێوان حکومەتی سووریا و هێزەکانی سوریای دیموکرات (هەسەدە).

 

- کۆبوونەوەکانی ئێستا جەخت لەسەر میکانیزمی جێبەجێکردن و پابەند بوون بە ڕێککەوتننامەی 10ی ئازاری نێوان هەسەدە و حکومەتی سووریا دەکەنەوە.

 

-ئەمریکا داوا لە سەرجەم لایەنەکان دەکات دان بەخۆیاندا بگرن.