سەری ساڵ لەناو شارەکان بەفر دەبارێت

ئاڤا نیوز

 

بارانبارین لە هەرێمی کوردستان دەستیپێکردەوە و بەگوێرەی پێشبینییەکانی شێخ دارا، شارەزای کەشوهەوا تا کۆتایی ئەم مانگە بارانبارین بەردەوام دەبێت و پێشبینیش دەکرێت بەفر لە سەنتەری شارەکان ببارێت.

 

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا رایگەیاند، تا کۆتایی ئەم مانگە، دوو شەپۆلی بارانبارین هەرێمی کوردستان دەگرێتەوە و ئێستا شەپۆلی یەکەمی بارانبارین دەستیپێکردووە. دەشڵێت، شەپۆلی یەکەم بە شێوازی پچڕ پچڕ دەبێت، بەڵام لە باشوری عێڕاق بارانباراین بە خوور و لێزمە دەبێت.

 

-شەپۆلی یەکەمی بارانبارینەکە بۆ دوو رۆژی دیکە بەردەوام دەبێت، ڕەنگە لە ڕۆژی هەینی داهاتوو کەمتر بێت.

- لە 27 ی ئەم مانگە، شەپۆلی سەرما و سۆڵە دەست پێ دەکات ئەگەری مانەوەی تا 4-5 مانگە. شەپۆلی دووەم بارانبارین، بەفر و تەرزە لە خۆدەگرێت و هەورە برووسکەشی لەگەڵدا دەبێت، بەڵام ئەگەری درووستبوونی لافاو کەمترە.

 

لەلایەکی دیکە: ڕۆژی 23-12-2025، بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان ڕایگەیاند: ڕۆژی 27 تا 30ی ئەم مانگە، شەپۆلێکی بەفر و بارانبارین ڕوو لە ناوچەکانی هەرێمی کوردستان دەکات.