زستانی ساڵانی شەستەکان دەگەڕێتەوە؛ شێخ دارا پێشبینیی بەفر و باران دەکات

ئاڤا نیوز 

بەگوێرەی پێشبینییەکانی شێخ دارا، شارەزای کەشناسی، تاوەکو کۆتایی ئەم مانگە شەپۆلێکی بارانبارین هەرێمی کوردستان دەگرێتەوە و ناوچە شاخاوییەکانیش سپیپۆش دەبن.

چیرۆکی سەرەکی: شێخ دارا، پێشکەشکاری کەشوهەوای ئاڤا میدیا ئاماژە بەوە دەدات، زستانی ئەمساڵ هاوشێوەی ساڵانی شەستەکان و حەفتاکانی سەدەی ڕابردوو سارد و پڕ بەفر و باران دەبێت.

لێدوانی فەرمی: پێشکەشکاری کەشوهەوا گوتی: تاوەکو کۆتایی مانگ، شەپۆلێکی لاوازی بارانبارین ڕوو لە هەرێمی کوردستان دەکات، لە ناوچە شاخاوییەکان بەفر دەبارێت.

- سەرەتای ساڵی نوێ شەپۆلێکی دیکەی بارانبارین دەستپێدەکات و لە زۆربەی ناوچەکان بەفر دەبارێت؛ پلەکانی گەرما زیاتر دادەبەزن و بەیانیان تەمومژ دروست دەبێت.

زانیاریی زیاتر: ئەمڕۆ یەکشەممە 21-12-2025، یەکەم ڕۆژی "چلەی زستان"ـە لە نیوەگۆی باکووری زەوی. لە بەرانبەردا لە نیوەگۆی باشوور یەکەم ڕۆژی هاوینە کە 93 ڕۆژ دەخایەنێت.

ئەوەی پێویستە بیزانیت: لەگەڵ دەستپێکردنی چلەی زستان، شەو درێژترین و ڕۆژ کورتترین ماوەی دەبێت. ئەم دیاردەیە لە وڵاتانی ئەسکەندەنافیا گەورەتر دەبێت، بە جۆرێک لە هەندێک ناوچە شەو دەگاتە 24 کاتژمێر.