سووننەکان نەیانتوانی کاندیدی سەرۆکی پەرلەمان یەکلا بکەنەوە

ئاڤا نیوز

 

ئەنجوومەنی سیاسی سووننەکانی عێراق لە کۆبوونەوەی ئەمشەویدا جارێکی دیکە کاندیدی هاوپەیمانێتییەکەی بۆ پۆستی سەرۆکی پەرلەمانی عێراقی بۆ یەکلایی نەکرایەوە، بەڵام بڕیاری دا لە کۆبوونەوەی داهاتوودا ئەم پرسە یەکلایی بکاتەوە، بەبێ ئەوەی ڕۆژی کۆبوونەوەی داهاتوو ئاشکرا بکات.

 

ئەوەی پێویستە بیزانیت: تەنیا پێنج ڕۆژ بۆ یەکەمین کۆبوونەوەی خولی نوێی پەرلەمانی عێراق ماوە و تائێستا کاندیدی سەرۆکی پەرلەمان کە بە گوێرەی عورفی سیاسی دوای ساڵی 2003 پشکی سووننەکانە یەکلایی نەکراوەتەوە، بۆ ئەم پۆستەش دوو کاندیدی سەرەکی هەن ئەوانیش بریتین لە مووسەننا سامەڕائی سەرۆکی هاوپەیمانیی عەزم و محەممەد حەلبوسی، سەرۆکی حیزبی تەقەدووم.

 

ڕاگەیێنراوی فەرمی: ئەمشەو ئەنجوومەنی سیاسی سووننەکان لە بارەگای ئەحمەد جبووری (ئەبو مازن) سەرۆکی حیزبی جەماهیری نیشتمانی کۆبوونەوە، لە کۆبوونەوەکەدا ڕێکارەکانی یەکلایی کردنەوەی کاندیدی سەرۆکی پەرلەمان گفتوگۆی وردیان لەسەر کرا.

 

-بڕیار درا لە کۆبوونەوەی داهاتوودا کۆتا بڕیار لەسەر کاندیدی سەرۆکی پەرلەمان بدرێت.