گرووپێکی تووندڕەو بەرپرسیارێتی تەقینەوەکەی شاری حومسی گرتە ئەستۆ

ئاڤا نیوز

گرووپی "سەرایا ئەنسارو سوننە" بە فەرمی ڕایگەیاند، ئەوان لە پشت هێرشە خوێناوییەکەی سەر مزگەوتەکەی شاری حومسن.

چیرۆکی سەرەکی: ئەمڕۆ هەینی، تەقینەوەیەک لە مزگەوتی ئیمامی عەلی لە پارێزگای حومس لە ناوەڕاستی سووریا ڕوویداوە و چەندین کوژراو و  برینداری لێکەوتەوە.

ڕاگەیێنراوی فەرمی: گرووپێکی چەکداری بە ناوی "سەرایا ئەنسارو سوننە" لە ڕاگەیێنراوێکدا، بەرپرسیارێتی خۆی لە تەقاندنەوەی چەند بۆمبێکی چێنراو لەناو مزگەوتێکی شاری حومس ڕاگەیاند.

ئەوەی پێویستە بیزانیت: ئەم گرووپە توندڕەوە دوای ڕووخانی ڕژێمی ئەسەد لە ساڵی ڕابردوودا دامەزراوە و پێشتریش لە مانگی حوزەیرانی ڕابردوو بەرپرسیارێتی هێرشێکی خۆکوژی بۆ سەر کەنیسەیەک لە شاری دیمەشق گرتووەتە ئەستۆ.

زانیاریی زیاتر: دەزگا ئەمنییەکان بەردەوامن لە لێکۆڵینەوە و ئەم هێرشەش لەسەر ئاستی ناوخۆیی و ناوچەیی بە تووندی ئیدانە کرا.