بەڵگەنامە ئەمریکییەکان؛ 14 ساڵ لەمەوبەر پووتین هۆشداری لەبارەی چەکی ئەتۆمی ئێران داوە

ئاڤا نیوز

بەگوێرەی بەڵگەنامەیەکی نهێنیی ئەمریکا کە ئێستا لە ڕیزبەندیی نهێنیی ئەرشیفی ئاسایشی نیشتمانی ئەمریکا لابراوە، ڤلادیمێر پووتین، سەرۆکی ڕووسیا لە ساڵی 2001 سەبارەت بە بەرنامە ئەتۆمییەکەی ئێران هۆشداری داوە.

بەڵگەنامەی فەرمی: بەگوێرەی بەڵگەنامەکان، سەرۆکی ڕووسیا بە جۆرج بووشی، سەرۆکی ئەوکاتی ئەمریکای گوتووە "گومانی تێدا نییە کە تاران بەدوای چەکی ئەتۆمیدا دەگەڕێت".

زانیاریی زیاتر: بەگوێرەی یەکێک لە بەڵگەنامەکان، لە میانی کۆبوونەوەیەکدا لە سلۆڤینیا لە 16ـی حوزەیرانی 2001، پووتین بە بووشی وتووە "شارەزایانی ئێرانی لەسەر بابەتی هەستیار پرسیاری زۆر لە شارەزایانی ئێمە دەکەن، منیش فەرمانم داوە بە شارەزایانی ڕووسیا خۆیان لە گواستنەوەی هەر زانیارییەکی هەستیار بۆ ئێران بەدوور بگرن".

ئەمەش بزانە: هەر لەو وتووێژەدا پووتین ئاماژەی بەوەدا کە وڵاتەکەی گواستنەوەی تەکنۆلۆژیای مووشەکی بۆ ئێران سنووردار دەکات.